القائمة الرئيسية

الصفحات

أخبار الاخبار

سعر ومواصفات كروت الشاشة الخاصة بشركة AORUS/GIGABYTE

كروت الشاشة الخاصة بشركة AORUS/GIGABYTE نزلت مصر ودية الموديلات وراينا فيها وفية كارت لازم تاخد بالك منة جداً لو بتفكر تشترية


بطاقة GIGABYTE RTX 2070 GAMING OC 8GB DDR6 بسعر 14000-13500 جنية في مصر (السعر في الخارج 550$) 
سعر البطاقة يعتبر 11500 فى الخارج بعد إضافة القيمة المضافة وفرق تحويل العملة يعني فرق 2000 جنيه تقريباً سعر مرتفع بدون شك و محتاج ينزل لحاجز الـ12.5 اللف علشان يبقي مقبول سعرا وليس جيد 
---------------------
بطاقة AORUS RTX 2070 XTREME 8GB DDR6 بسعر 15400-14500 جنية في مصر (السعر في الخارج 620$) 
سعر البطاقة يعتبر 13000 فى الخارج بعد إضافة القيمة المضافة وفرق تحويل العملة يعني فرق 1500 جنيه تقريباً وطبعا كل ما تطلع لحاجز ال16 اللف يبقي اشتري GTX 1080Ti أفضل منة فى الأداء من اي شركة تعجبك 
ملحوظة فية نسخة تاني من AORUS من غير XTREME فيه محلات حطاها ب 15 اللف فالحقيقة انا شاكك ان فيه غلط في الجزء ده في النهاية سعر الكارتين مرتفع في مصر و محتاج ينزل لحاجز الـ14 اللف علشان يبقي مقبول سعرا

---------------------
بطاقة GIGABYTE RTX 2080 TURBO OC 8GB بسعر 17800 جنية في مصر (السعر في الخارج 780$) 
سعر البطاقة يعتبر 16250 فى الخارج بعد إضافة القيمة المضافة وفرق تحويل العملة يعني فرق 1750 جنيه تقريباً 
الكارت ده الحقيقة من الكروت الي تشتريها وانت مضطر لو سعرة اغراك لان ببساطة حرارة الكارت ده هتوصل 80+ فى الصيف او تعلي المروحة علشان تحصل على تبريد افضل وده هيديلك ازعاج اعلى الخلاصة الكارت ده كان اخرة فعلا 17 اللف علشان يبقي مقبول ناهيكم عن وجود كارتين احسن منة من ASUS RTX 2080 Dual /Zotac AMP 2080 وبنفس السعر او ارخص و تبريدهم افضل لان الكارت الي فوق ده نسخة اقل من الفوندرز في التبريد و الأداء كترددات 
لا أنصح بشراءة بالسعر الحالى الي نزل بية مصر 



---------------------
بطاقة GIGABYTE RTX 2080 GAMING OC 8GB بسعر 18500 جنية في مصر (السعر في الخارج 790$) 
سعر البطاقة يعتبر 16500 فى الخارج بعد إضافة القيمة المضافة وفرق تحويل العملة يعني فرق 1750-2000 جنيه تقريباً 
عندنا طبعا كارت Zotac RTX 2080 AMP 820$ فى مصر 17500 جنيه و ASUS RTX 2080 DUAL OC 840$ ب17800 جنية مصرى و الكارتين نفس الأداء و بسعر اغلى بره مصر وسعرهم اقل فمش شايف الحقيقة وجهة النظر التنافسية للكارت دة قدام اي كارت من دول و بسعر 18500 حاليا بيتباع MSI RTX 2080 TRIO X الي بحوالي 850$ دولار والي افضل من الكارت ده بل انه بينافس النسخة الأكستريم !


---------------------
بطاقة AORUS RTX 2080 XTREME 8GB DDR6 بسعر 20000 جنية في مصر (السعر في الخارج 880$) 
سعر البطاقة يعتبر 18400 فى الخارج بعد إضافة القيمة المضافة وفرق تحويل العملة يعني فرق 1500 جنيه تقريباً لا تعليق طبعا الكارت محتاج ينزل علي الأقل لحاجز 19 اللف او 19.5 علشان يبقي سعرة مبقول و ليس جيد
---------------------
بطاقة GIGABYTE RTX 2080 TI WINDFORCE OC 11 GB DDR6 بسعر 26000 جنية -26500 في مصر (السعر في الخارج 1220$) 
سعر البطاقة يعتبر 25500 فى الخارج بعد إضافة القيمة المضافة وفرق تحويل العملة يعني فرق 500 جنيه تقريباً ويعتبر سعر جيد جدا فلو الكارت عاجبك اشتري لان حتي 26500 هيبقي مقبول نوعا ما

|معنى ان كارت سعرة وحش مش انة كارت وحش بأستثناء كارت التربو الي فوق يعني كروت الأورس اكستريم من أفضل الكروت الي في السوق حاليا ولكن بسعر مرتفع و بالطبع فيه بدايل أفضل وممتازة برضو كجودة وأداء – فيه محلات حطت أسعار كمان اعلى من الموجودة فوق وبالتالى أنتظر لحين ما المحلات كلها تبقي بنفس أقل سعر او تشتري من الأقل سعرا



----------------------
من ضمن الحجات الي جت برضو كارت ASUS RTX 2080Ti الي سعرة بره مصر 1280 دولار نزل مصر ب 26000 الف جنية يعني ارخص من سعرة لو اشتريتة من بره تقريباً

هل اعجبك الموضوع :

تعليقات